1.一步一錯
作詞：林賢
作曲：林賢
編曲：尤景仰
嘸敢看你 彼對絕情的目睭
眼中有的只是 虛偽的溫柔
將愛你當作是阮 最後的憂愁
為何換來 這款無奈的下場
付出的情 叫阮怎樣來回收
問你甘曾用過 真心替阮想
無情的寂寞親像 鐵打的圍牆
面對感情 阮永遠嘸是你的對手
一步一錯的感情路 面前嘸是風就是雨
這款清清楚楚的痛苦 甘講就是你所講的幸福
一步一錯的感情路 面前嘸是風就是雨
日思夜夢無奈的寂寞 欲到何時才會結束
2.多情的戀夢
作詞：林東霖／何陽
作曲：林東霖／何陽
編曲：尤景仰
演唱：孫淑媚／秀蘭碼雅
孫：伊是我一生 最愛的人
夜夜為伊相思 為伊心頭亂
秀：寂寞的人 阮純情的美夢
為著伊 阮感情無底藏
孫：伊是我幸福 最後的一站
望伊來疼惜 阮純情的花叢
秀：情海茫茫 阮是痴情的孤帆
合：月娘啊 你甘有看著阮愛的人
孫：一生為愛伊一人 為伊痴情心沈重
多情的戀夢 只恨命運創治人
秀：一生為愛伊一人 為伊痴情嘸願放
多情的戀夢 望伊疼惜阮一人
合：多情的戀夢 望伊疼惜阮一人
3.心愛的
作詞：朱立勛
作曲：朱立勛
編曲：許志皇
是誰人 輕輕叫著你的名
深情是我 寂寞是我
用阮的溫柔期待 疼痛的聲
望你知影 望你會聽
阮無愛孤單 希望有你來作伴
阮猶原會驚 因為愛情路歹走
(心愛的)你離開彼一天
咱的過去苦戀夢
惦我心內思思念念堅持嘸願放
你快樂阮心驚 咱的世界永遠不同
怨嘆命運安排哪會給阮目眶漸漸紅
叫著你 心愛的人
4.傷心的字條
作詞：騰原俊司／高以德
作曲：葉子／高以德
編曲：陳飛午
演唱：孫淑媚／施文彬
施：寂寞的暗暝 冷風凍心肝 只有孤單陪伴我
孫：離開的藉口 講甲這無聊 情愛兩字我不曉
施：一杯冷咖啡 苦苦吞落喉 苦澀滋味藏心頭
孫：情已到最後 愛已隨風飄 想欲一人大聲哮
施：愛妳的歌唱到老
孫：對你的情甘明瞭
施：抹凍陪妳到最後
孫：是你乎阮的藉口
施：愛妳的歌唱抹透
孫：甲你的愛無以後
施：思思念念的批紙
孫：攏是傷心的字條
合：痛過了後才知影
孫：阮會陪你陪到老
施：阮會陪你陪到老
5.一天一萬年
作詞：吳梵
作曲：林東松
編曲：許志皇
冷冷的落雨暝 落著綿綿的相思
黯淡的路燈伴著阮 一暝的虛微
想起後悔的愛 傷痕已造成
這段情枉費我 一切的犧牲
啊～悲傷的世界 剩我一個人
想著你的無情 心痛像刀割心肝
啊～你我的戀情 已經是無望
憂愁的燒酒 怎樣飲袂茫 只為你一人
我問著閃閃爍爍的天星 心痛一天一萬年
為何對你猶原 依依難捨傷心到何時
用著燒酒渡一暝 燒酒一杯煙一支
明知你的心肝親像鐵 (全世界) 只有我沒看見
為著你 茫茫過日子 我的痛 一天一萬年
6.攏是無情人
作詞：黃永發
作曲：吳靜慧
編曲：許志皇
風吹心頭亂 想起彼個人
夜色茫茫心暗淡
深深思戀舊情夢 心哪會堪受苦痛
愛到情深亦是虛空
往事隨風送 偷偷來刺探
甘是愛已經絕望
戀戀不捨舊情人 悲傷為你目眶紅
有緣無份嘛是戲弄
越頭看冷冷的世間 攏是無情人
守著一段情 最後亦是一場空
你永遠攏嘸曾 愛的背後是遺憾
無人會凍感受的淒涼
越頭看冷冷的世間 攏是無情人
阮愛你的心 親像風吹無回航
心猶原是嘸甘 愛嘸愛攏是怨嘆
情深意亂苦是無底藏
7.到這為止
作詞：林賢
作曲：林賢
編曲：陳飛午
既然你對阮的感情 親像霜雪那呢冷
何必擱勉強來作陣 留著空心有什路用
被傷害的這粒心 按怎補嘛袂完整
雖然是紅顏多薄命 也嘸免誰人來同情
愛雖深 偏偏緣已盡
哪通乎阮的真心 為你白白作犧牲
愛已經離開 心已經死 何苦來委屈著自己
傷心淚 流到這為止 甜言蜜語全放乎伊去
愛已經離開 心已經死 何苦來委屈著自己
悲情歌 唱到這為止 山盟海誓還無情的你
悲情歌 唱到這為止 山盟海誓還無情的你
8.雪中鏡
作詞：騰原俊司
作曲：葉子
編曲：陳飛午
戀愛的光線 照過了東邊的窗外
冷冰冰的椅頭啊 怎樣沒你來相偎
彼領膨紗杉 想欲溫暖你心肝
你煞沒聲沒說 作你來變卦
只剩梳妝台頂那面鏡甲我作伴
嘸願看到房間內的那面鏡 看到心會驚
鏡中有咱過去甜蜜心情 如今傷痕這深誰人伴
若是看到房間內的那面鏡 傷心淚流抹煞
因為阮的虛微消瘦形影 若是出現在那
阮嘛沒勇氣擱活
9.多情猶原傷心
作詞：黃永發
作曲：林從胤
編曲：許志皇
是你堅持欲離開 嘸是阮決心放棄
擱講什麼 已經是過去
褪色的迷人胭脂 早就消失無香味
甘是阮 對愛太慈悲
既然你無心作陣 無情反面
情海是浮沈
紅顏註定薄命 多情猶原傷心
既然你無心作陣 無情反面
感情像風塵
情債實在歹還 愛恨算攏袂清
無情反面
10.空思戀
作詞：林從胤
作曲：林從胤
編曲：許志皇
風在吹 吹在我的心肝底
想起伊對阮的一切
你講過的話 親像風在飛
經過了後 找別個
雨在落 落在我的心肝底
親像一蕊窗外的花
誰人照顧阮 可憐玫瑰花
雨落風吹 我是沒人的
你傷我傷甲這呢重
我等你等甲目眶紅
對你的關懷最後當作一場夢
是我一直做暝夢
我會感動你來疼痛
對你全部付出攏是沒採工
你傷我傷甲這麼重
我等你等甲目眶紅
這款的等待起起落落嘸願放
是我一直做暝夢
想欲收已經無望
只有一個人 惦惦空思戀
| 
-多情的戀夢.jpg)